|
मिडिया एनपी, काठमाडौं, १७ चैत्र । देशको विविध परिस्थितीका कारण नेपाली युवा विदेशिन बाध्य छन् । राजनैतिक खिचातानीका कारण देशमा भएका स्रोत र साधन पनि प्रयोगमा आउन सकेका छैनन् । देशको स्रोत साधन प्रयोग गरेर देशका युवा शक्तिलाई देशमै परिचालित गर्न सक्ने हो भने कयौं नेपालीले बास र गासको खोजीमा विदेश पलायन हुनु पर्ने थिएन । यस्तै समसामयिक गीत लिएर आएका छन गायक विकाश श्रेष्ठ ।
श्रेष्ठले आफ्नै शश्द संगीतमा ‘जागिर’बोलको गीत मार्फत यस्तो सन्देश दिएका हुन् । उनले जागिर नहुँनेहरुले समाज, परिवार र प्रेममा भोग्नु पर्ने विभिन्न अवस्थाहरुलाई पनि यो गीतको म्यूजिक भिडियोमा देखाउने प्रयास गरेका छन् । दीपेश सिंहको संगीत संयोजन रहेको यो गीतको म्यूजिक भिडियोमा अनिल, अश्विनलगायतका कलाकारहरु देखिएका छन् । गायक श्रेष्ठको ‘बेस्ट अफ विकाश श्रेष्ठ’ नामका एल्वममा समावेश उक्त गीतको म्यूजिक भिडियोलाई सौरभ ढकालले निर्देशन तथा सम्पादन गरेका छन् । भिडियो रवि सायमीले छायाँकन गरेका हुन् ।
|
|
0 comments:
Post a Comment